Не жаны бла да себеплик этиледи

СВО жаны бла ишчи къауум къуралгъанлы озгъан жылны ичинде къаллай жумушла тамамланнгаларыны эсеплери  чыгъарылып, ала  къыралны башчысына белгили этилгендиле. Энчи аскер операциягъа къатышханладан бла аланы жууукъларындан келген 42 минг тилек бла эсгертиу тинтилгенди, дагъыда регионлада социал болушлукъну бир низамы кийирилгенди, аскерчилеге болушлукъну системасы законла бла белгиленнгенди. Аны юсюнден «Единая Россияны» генсоветини секретары Андрей Турчак айтханды.

 - 2023 жылда ишчи къауумну келечилери СВО-гъа къатышханладан бла аланы жууукъларындан берилген 42 мингден аслам тилекни сюзгендиле. Къоруулау министерство бла бирге тёлеулени тергеу, жер-жерли къаугъаланы ветеран  даражаны  тохташдырыу,   психология эм юридический болушлукъ, реабилитация жаны бла соруула да тамамланнгандыла. СВО-гъа  къатышханлагъа бла аланы юйюрлерине себепликни мадарлары регионлада   бир низамгъа келтирилгендиле. Битеу да бирге ала 20 тюрлюдюле эмда къыралны битеу регионларында ишлейдиле,-дегенди ол.

Андрей Турчак айтханыча, Къоруулау министерство бла бирге «СВО-ну соруулары жаны бла ара» информация проект жашауда бардырылып башлагъанды. Аны чеклеринде  ветеранла, аскерчилени юйюрлери бла тюбешиуле къураладыла, приёмла бардырыладыла.

  Къырал себепликни мадарлары законла бла белгиленнгенлерин да чертгенди партияны оноучусу.

- 2014 жылдан бери Донбассда ополченияда къуллукъ  этгенлеге эмда СВО-ну муратларын толтуруугъа себеплик жаны бла организациялагъа киргенлеге   ветеран деген даража берилгени  артыкъда магъаналыды. Операциягъа кеслерини ыразылыкълары бла къатышханлагъа аскерде контракт бла къуллукъ этгенле бла тенг льготала бериледиле. Андан сора  финанс   мадарла кийирилгендиле. Ол санда кредит каникулла тохташдырылгъандыла, инсан жан берген неда сакъатлыкъ тапхан кезиуде кредитни тёлеуден эркин этиледи, борчу болгъанны ырысхысына арест салыннган эсе, ол кетериледи эм башхала, -дегенди Андрей Турчак.

Жашау журт-коммунал мюлк ючюн борчу болгъаннга тазир салынмайды, аскерчиге фатарны арендагъа бериуню низамы жангыртылгъанды, ич ишле органланы къуллукъчусу СВО-да жан берсе,  аны юйюрюню жашау журтха субсидия алыргъа эркинлиги сакъланады.

 

- Льготала билим бериуде да бардыла – сабий саддан башлап, вузгъа киргинчиге дери. СВО-гъа къатышханла кеслери эмда аланы сабийлери колледжге, техникумгъа, вузгъа киргенде, льготалары бардыла, дагъыда ала хакъ тёлеп окъугъан эселе, бюджет жерлеге кёчерге боллукъдула,-деп эсгертгенди партияны оноучусу.

Аскерчилеге къырал себепликни мадарларын кенгертиу жаны бла ишни андан ары бардырлыгъын чертгенди Андрей  Турчак.

- СВО-гъа кеслерини ыразылыкълары бла къатышханлагъа налог льготала, льготалы ипотека берилликди, аскер-врач комиссиягъа баргъанда эм андан къайтханда жол ючюн хакъ тёленирик тюйюлдю. СВО бардырылгъан жерден тышында украинлы аскерлени чабыуулларына къажау тургъанлагъа да ветеран даражаны атаргъа тийишлиди. Битеу бу мадарла жууукъ заманда кийирилирле деп бек ышанабыз,-дегенди Андрей Турчак.

СВО-ну соруулары жаны бла ишчи къауум РФ-ни Президентини буйругъу бла къуралгъанын белгилерчады. Анга башчылыкъны Андрей Турчак этеди.     Къауумуна федерал парламентни эки палатасыны да келечилери, Къоруулау министерствону къуллукъчулары, жамауат организацияланы келечилери, аскер журналистле киредиле.

«Единая Россияны» КъМР-де регион бёлюмюню толтуруучу комитетини башчысы, КъМР-ни Парламентини депутаты Дмитрий Парафилов   KABARDIN-BALKAR.ER.RU сайтны журналистлерине айтханыча, аскерчилеге бла аланы юйюрлерине болушлукъ СВО башланнган кюнден бери этиледи.

- Бюгюнлюкде партия бирликни юлгюсюн кёргюзтеди.  Аны регионлада бёлюмлери барысы да бирча тамамлайдыла бу жумушланы. Аскерчилеге бла аланы юйюрлерине себепликни мадарлары «Ата журтну къоруулаучулары» фондну   республикада  бёлюмю къуралгъандан сора бютюнда хайырлы болгъандыла. Алай бла,  сынау жыйышдырылгъанды, чыгъа баргъан сорууланы тамамлауну мадарлары къураладыла,-дегенди Дмитрий Парафилов.

Басмагъа Тикаланы Фатима хазырлагъанды.
Поделиться: