Сабий больницада ремонт къыстау барады

Кёп болмай КъМР-ни саулукъ сакълау министри Марат Хубиев жангы республикалы сабий клиника больница (РДКБ) боллукъ мекямда ремонт  къалай баргъаны бла шагъырейленнгенди, деп билдиргендиле КъМР-ни Салукъ сакълау министерствосуну пресс-службасындан. 

Стационарда пульмонология, нефрология, кардиология, неврология эм гастроэнтерология, компьютер томограф (КТ) эм магнит-резонанс томограф (МРТ) этген  бёлюмле да боллукъдула. Бюгюнлюкде этажланы барысында да палаталагъа плитка, сантехника салып бошай турадыла. Аны бла бирге сюртюу-бояу ишле да тамамланадыла, жангы мебель орнатылады. Ишлеге, къырал бюджетден бёлюннген ахчадан сора да, къошумчулукъ этилгенди. 

- Педиатрия службаны бирикдириу сабий ауруула бла байламлы он тюрлю профильли бёлюмден мекямны ичинден чыкъмай  диагностика этерча эмда  багъарча онг берликди. Миллет проектге кёре, РДКБ бийик технологиялы медицина оборудованияла бла   жылчытылынырыкъды. Ол  а сабийлеге тийишли  багъаргъа онг берликди, -дегенди Марат Хубиев.