Билим

Нальчик шахарны мектепге дери билим берген махкемелерини арасында Юйретиучюню кюнюне аталып сурат ишлеуден эришиу болгъанды. Конкурс «Мени сюйген юйретиучюм» деген ат бла бардырылгъанды эмда анга къатышхан сабийле суратланы ата-аналарыны болушлукълары бла бирге этгендиле.

Къабарты-Малкъар къырал университетде «Тарихли кафедрала» билим бериу проектге къатышханла бла тюбешиу озгъанды. Аны кезиуюнде  жаш адамла ол жаны бла окъутуу къалай бардырыллыгъыны эмда  къураллыгъыны юсюнден тынгылы хапар билгендиле.

«Заман» газетде бизни республикада билим берген махкемелени юслеринден терк-терк жазыла турады. Аладан бири  Маданиятны эм Искусстволаны колледжиди. 

Къабарты-Малкъарда школчула эмда студентле кеслерини финансла жаны бла билимлернин ёсдюрюрге  боллукъдула Алай этерге сюйгенле Россейни Банкыны онлайн дерслерине жазылсынла. «Тёлеулени тарых жолу: къолдан къолгъа берилген ахчаладан башлап, цифралы сомгъа дери» деген дерсни бу Банкны башчысыны биринчи орунбасары Ольга Скоробогатова бардырлыкъды.

КъМКъУ-ну «Точка кипения» платформасында «Кесинги келир заманынгы къура» деген ат бла ишчи оюн озгъанды. Ол «Сбербанк» ПАО-ну Къабарты-Малкъарда бёлюмюню башламчылыгъы бла бардырылгъанды.

Сотталаны Борисни жашы Анзор Бедикни орта школунда географиядан, экономикадан бла ОБЖ-дан устазды. Аны кабинетинде эм сейири ол элни башында шыякы къабырлада тапхан бурун заманладан къалгъан экспонатланы кёрмючюдю.

Жангы Малкъар элни битеулю билим берген мектебини директору Боташланы Шарифа Махмутовна ёсюп келген тёлюню юйретиуге эмда окъутуугъа юлюшюн къошуп келгенли  къыркъ жылдан атлагъанды. КъМКъУ-ну орус-малкъар бёлюмюн бошагъанлы да бу  школда ана тилден бла адабиятдан дерсле берип, устаз коллективге башчылыкъ этип, бир кезиуде уа элни садигини тамата юйретиучюсю  да болуп келеди.

Къабарты-Малкъарны сыйлы устазы, РСФСР-ни халкъны жарыкъландырыуда отличниги Баразбийланы Ануарны къызы Эльмира республиканы устазларыны араларында атын иги бла айтдыргъан, билимли адамларыбыздан бириди. Ол Быллым элде школда ишлегенли къыркъ жылдан атлагъанды. 

Тау эллерибизни мектеплеринде сабийлеге билим бериуге, адет-намысха юйретиуде да къаты къаралады. Хушто-Сыртда бу иш къалай къуралгъаныны, къаллай жетишимле эм чурумла болгъанларыны юсюнден аны школуну директору Къожакъланы Малик айтханды.

 Сабийлеге, жаш тёлюге тынгылы билим бериу айныуну жолунда барыуну баш жоругъуду. Терс-Къолда мектепледе юйретиу къалай къуралгъаныны юсюнден бизни бла ушагъында элни орта школуну директору Залийханланы Лейля айтханды.