|
Саулукъ
24 октября, 2023 - 09:35
Саулукъ сакълау министерствосуну наркодиспансеринде алтынчы бёлюм – кюндюзгю стационар ачылгъанда, багъылыргъа сюйгенле бир кёп боллукъ суннган эдик. Алай наркоманла бла ичгичиле диспансерге ёлюп башласала келедиле. Кюч-къарыу алгъанлай а эрши къылыкъларына къайтадыла.
24 октября, 2023 - 09:05
Адамны санларын къурушдурургъа, нерва системасын да бузаргъа боллукъ, артда сакъатлыкъгъа келтирлик неда жашауун юзерик къыйын вирус аурууладан бирини аты – полиомиелитди. Жыл сайын 24 октябрьде анга къажау битеудуния кюн белгиленеди.
24 октября, 2023 - 09:00
Медицинаны жолун жюрек талпыныулукълары бла сайлап, бюгюнлюкде саулукъларындан къыйналгъанлагъа болушлукъ эте, аланы кеслеринден, жууукъ-ахлуларындан да ыспасха тийишли бола ишлеген жашларыбыз бла къызларыбыз аз тюйюлдюле. Аладан бириди Мурзаланы Зулиха да.
18 октября, 2023 - 13:00
Дин жайыла баргъанлы, бизни республикада аракъы, тютюн ичгенлени саны иги да азайгъанды. Болсада алыкъа тютюнчюлени сатырларында жашладан, уллайгъан эр кишиледен сора да, къызла, таматаракъ тиширыула да бардыла. Тыш къыраллада тютюн ичгенлени саны азая эсе, Россейде уа кёбейип барады. Миллет республикалада болум игирекди деген, ётюрюк айтырыкъды. Бизде да эр кишиледен, жашладан сора да, жарсыугъа, бир-бир тиширыула, жаш къызчыкъла да тютюнсюз болалмайдыла.
17 октября, 2023 - 11:38
Кёп болмай Нальчикде Россейни къыбыла жанында нефрологланы алтынчы илму-практика конференциялары болгъанды. Ол республикада сабий нефрология ара ачылгъан кюннге тюшгенди.
16 октября, 2023 - 08:10
Инфарктдан сора толу жашау этерге боллукъмуду? Бек башы уа - аны экинчи кере болдурмазча не этерге керекди? Ол эки соруугъа къаллай жууапла этилликлерин кёпле сакълайдыла, артыкъда ол къыйынлыкъдан къутулгъанла. Аны юсюнден КъМР-ни кардиология арасыны поликлиникасыны кардиологу Жанатайланы Людмила бла ушакъ этгенбиз.
13 октября, 2023 - 17:20
Ким да ангылайды: биз ашыбызны-сууубузну тап къурамасакъ, жукъубуз тынчлыкъсыз болса, жюрегибиз къайгъыдан толса, саулукъ бузуллукъду. Саулукъну уа Бир сёгюлген жерине жер башында бир врач да къайтаралмайды. Хау, аурууну сау этедиле докторла, алай аны ызы ёмюрге къалады. Бюгюн биз эрттен эм ингир ашны юсюнден врач Къойчуланы Шамил бла хапар бардырабыз.
13 октября, 2023 - 11:23
Къытайлыла не заманда да не тюрлю багъалы маркалы быстырланы, техниканы да эксперт ангылаялмазча ушатып эте билгенлери белгилиди. Ол жаны бла усталыкъларын ала жыл сайын айнытып, битеу дунияны да сейир этдиргенлей турадыла.
11 октября, 2023 - 18:17
Лимонну, ол къошулгъан сууну, чайны да кёпле сюедиле. Аны адамны саулугъуна хайыры аслам болгъанын врачла да белгилейдиле. Эрттенликде къоба келгенлей, алыкъа ауузланнгынчы жылымдыкъ лимон сууну ичсе (аш орунлары бла байламлы жарсыулары болмагъанлагъа), алай бла аш орун толгъанча болады эмда азыкъны кёп ашамазгъа себеплик этеди.
11 октября, 2023 - 12:00
Бусагъатда бек жайылгъан аурууладан бири онкологияды. Аны къоркъууун азайтхан ашла бармыдыла? Аны юсюнден терапевт Чеченланы Аминат бла ушакъ этгенбиз.
Страницы
|