Байламлыкъ тёреле бузумлайдылаАлгъаракълада Къулийланы Къайсын атлы Малкъар къырал драма театр биринчи кере Юг Осетия Республикада болгъанды. Гастрольла бла алышыныу программаны чеклеринде ала Цхинвалда Коста Хетагуров атлы къырал драма театрда «Ажашханла» спектакльни кёргюзтгендиле. Къараучула чыгъарманы магъаналы болгъанын чертгендиле, къонакъ артистлеге ыразылыкъларын билдиргендиле. КъМР-ни сыйлы артисткасы Жангоразланы Фатиманы, режиссёр Мызыланы Аубекирни эмда театрны алчы артисти Геляхланы Муратны огъарыда сагъынылгъан республиканы культура министри Рада Дзагоева сыйлы грамотала бла саугъалагъанды. Къонакъбай театрны башчысы Тамерлан Дзудцов саугъаланы бере, быллай жумушла маданият кенгликде бек магъаналы болгъанларын чертгенди. Малкъар театрны артистлери къараучуланы алагъа жарыкъ тюбегенлерине ыразылыкъларын айтхандыла. Мындан ары да быллай ахшы байламлыкъ тёреле юзюлмей турлукъларына ышаннганларын да билдиргендиле. Ызы бла артистлерибиз Юг Осетияны драма театрына Къулийланы Къайсынны назму жыйымдыкъларын саугъалагъандыла.
Поделиться:
Читать также:
19.05.2024 - 10:05 →
«Музыка адамны насыплы халгъа келтирген энчи дунияды»
17.05.2024 - 16:37 →
Таулуланы адетлеринден
17.05.2024 - 13:07 →
«Маданият жашау сейир болур ючюн, къолубуздан келгенни аямайбыз»
17.05.2024 - 11:05 →
«Сени ючюн, кесим ючюн да»
16.05.2024 - 10:30 →
«Инсанны къууанчын ётдюрген бек уллу жууаплылыкъды»
|