Спортну байрамы андан ары бардырыллыкъды«Единая Россия», Физкультурникни кюнюне жоралап, «Россейни кючю» битеуроссей марафонну бардырыргъа хазырланады. Ол быйыл экинчи кере къураллыкъды эмда 1 июньда башланып, 10 августда жабыллыкъды. Анга хазырланыуну соруулары видеоконференция амал бла партияны регионлада бёлюмлери бла сюзюлгендиле. - Марафонну хар жумушу да энчи темагъа жораланырыкъды. Сёзге, Сабийлени къоруулауну, Россейни, Юйюрню, сюймекликни эм кертиликни кюнлеринде боллукъдула энчи эришиуле. Юйюрлеге спорт фестивальла, чемпионла бла зарядкала, тюрлю-тюрлю турнирле тёрели болгъандыла. Хар регион да миллет энчиликлеге кёре кесини жумушларын къошаргъа боллукъду,-дегенди партия жанлыланы ара советини таматасы, Къырал Думаны депутаты Ольга Занко. Спорт жумушлагъа къатышыр ючюн а проектни сайтында эсепге турургъа керекди. Былтыр марафонну къыш кезиуюнде партия жанлыла 5 минг жарау къурагъандыла, алагъа 200 минг адам къатышханды. Ольга Занко Битеуроссей марафоннга сабийле, ата-анала, студентле, спортчула, энчи аскер операциягъа къатышханланы юйюрлери къошулгъанларын белгилегенди. Аланы хазырларгъа юч мингден аслам коммерциялы болмагъан организацияла болушхандыла. Москва, Свердлов, Нижегород областьла, Башкъортостан бла Санкт-Петербург ол кезиуде бютюнда тири болгъанларын белгилегенди депутат. - Спорт хар бирибизни да жашауубузда магъаналыды. Биз а аны бла хар адам да чырмаусуз кюреширча этерге сюебиз. Быллай проектлени жашауда бардырыргъа кереклиси жанлыма. Жаш тёлюню арасында саулукълу жашауну жорукъларын сингдире, биз къыралыбызны кючлю этебиз,-деп белгилегенди «Россейни кючю» проектни къурау комитетини башчысы, Россейни Жигити, сенатор Александр Карелин. Къабарты-Малкъар да спорт марафоннга тири къатышханын белгилерчады. «Единая Россия» жанлыланы регион советини сопредседатели Шауаланы Разият KABARDIN-BALKAR.ER.RU сайтха айтханыча, къыш кезиуде эришиуле хауа болумну эсге алып къуралгъандыла. - «Россейни кючю» марафоннга халкъны сейири уллу болгъанды. Республикада 15 жумуш къуралгъанды, алагъа 500 адам къатышханды. Бизде пинг-понгдан, волейболдан эришиуле бардырылгъандыла, зарядка, жараула да болгъандыла,-дегенди ол.
Поделиться:
Читать также:
16.05.2024 - 11:12 →
Жангы миллет проектлени мурдору салыннганды
13.05.2024 - 11:41 →
Казбек Коков Россейни Жигити Тимур Тамазовха эсгертме ачылыууна къатышханды
08.05.2024 - 14:00 →
Къырал Башчы салгъан борчла толтуруллукъдула
07.05.2024 - 16:51 →
Къыйын болумладан сакъланыуну мадарларын сюзгендиле
29.04.2024 - 15:08 →
Информационное сообщение
|