Былтыр юч мингден артыкъ ипотека кредитле берилгенди

Былтыр Къабарты-Малкъарда 5,8 миллиард сом багъасына юч мингден артыкъ ипотека кредитле берилгенди. Буруннгу жыл бла тенглешдиргенде ёсюм 44 процентден артыкъ болгъанды, деп билдиргендиле Россейни банкыны жер-жерли бёлюмюнден. Ёсюм Шимал Кавказдан эм башха регионладан эсе иги болгъанды.

Аны бла бирге банкланы кредит портфельлеринде ипотека кёпден-кёп жерни ала барады. Бир жылгъа ол 1,9 процентге кёбейип, быйыл биринчи январьгъа 37,5 процентге жетгенди.

Ипотека кредитлени орталыкъ ставкасы 9,59 процент болады бюгюнлюкге.