Нальчикде даражалы эришиу бардырылады

Бу кюнледе Нальчикде «Гладиатор» спорт комплексде художестволу гимнастикадан СКФО-ну бла ЮФО-ну биринчиликлери ётеди. Бу эришиулеге къатышханланы араларында Кърымдан бла Луганскдан келген жаш спортчула да бардыла. Биринчиликде кеслерин сынаргъа келгенлени саны 200-ден асламды. Жыл санларына кёре ала эки къауумгъа юлешинедиле (2008-2011; 2011-2013).

Геуюрге кюн турнирни къууанчлы ачылыуу болгъанды. Ызы бла абадан къауумдагъы гимнасткаланы  эришиулери башланнгандыла. Ала бошалгъандан сора 2011-2013 жыллада туугъанла чыгъарыкъдыла. Аланы ызларындан а эки къауумда да командаладан бирер спортчу энчи зачётда  сынарыкъдыла.

Эришиуле  4 февральгъа дери бардырыллыкъдыла. Спортну бу тюрлюсюн сюйгенлеге ары кюн сайын келип, къарар онгла къуралыпдыла.