Къызыл китапха кийирилгенлерине да къарамай

РФ-ни МВД-сыны Элбрус районда бёлюмюню следовательлери эки майскечиге ачылгъан уголовный ишни тинтип бошагъандыла. Ала уугъа законсуз чыкъгъанлары ючюн терсленнгендиле.

2021 жылда майда полицияны участка уполномоченныйлери Лашкута элни тийресинде агъачда эки айыну, косуляны эм бууну  мыллыкларын тапхандыла. Ала барысы да КъМР-ни Къызыл китабына кийирилгендиле. Бу аманлыкъдан къыралгъа 1,2 миллион сом къоранч салыннганды.

Излеу-тинтиу мадарла этип, право низамны сакълаучула жаныуарланы Майский райондан 28 эм 54-жыллыкъ эр кишиле ёлтюргенлерин ачыкълагъандыла. Ала жашагъан юйлени тинтген кезиуде алты къауал, 1,2 мингден аслам окъ тапхандыла. Аланы жюрютюрге эркинликлери бар эди.

Эр кишилеге РФ-ни УК-сыны 258-чи статьясыны 2-чи кесегине кёре терслеу материалла ачылгъандыла. Ала Элбрус районну сюдюню къараууна берилгендиле.