Бизни ашларыбызгъа жетген болмаз

Таулуланы буруннгу ашларыны юсюнден сагъышларын Улбашланы Саният алгъын жыллада жаза-жаза тургъан эди. Аладан бир къауумун сайлап, бюгюннгю номерибизде басмалайбыз.

Таулуланы жууурту

Йогурт таулула эрттеден билген жууурт айранды. Энчи амалла бла этилген йогуртдан эсе, бизни жууурт кёп да игиди. Айран ичген таулу сабийчиклени уууртчукълары къызылчыкъла не ючюн болгъан сунасыз – айран ичгенден. Жууурт саулукъгъа бек игиди.

Къол баса

Колбаса къайсы миллетни хантыды, билемисиз? Ол ашарыкъ биринчи тюрк халкъладан чыкъгъанды, оруслулагъа уа татарлыладан ётгенди. Биз а, таулула, къол басагьа къыйма дейбиз.

Бир ненча жыл мындан алгъа Хушто-Сыртха къонакъгъа баргъан эдим. Эт бишгинчи, къонакъла ачдыла деп, бишип тылпыуу бара тургъан картофну юсюнде жылытып, бизге къыймала салгъан эдиле. Бир да татыулу затла эдиле ала.

Этни ууакъ туурап, ич жау, туз, чибижи, къалиярны заманында аны да къошуп, аны чеги ичине тыкъ сугъуп, къыйырчыкъларын а чилле халы бла къысып, от башына такъгъандыла. Къыйма алай этилгенди.

Тау шай

Бизни ата-бабаларыбыз къуру айран бла боза ичип турмагъандыла. Мен Хушто-Сыртда къартладан: «Биз шёндю ичген улёкъу (итбурун), дугъума шайладан сора да, бир жыйырмадан артыкъ тюрлю-тюрлю ханс шайла иче эдик. Тейри, Индияны шайларындан эсе да татыулу эдиле бизни шайларыбыз», - деп эшитгенме.

Хабазда илипин жанларында ёсген, кёкбаш гюллю кырдыкладан шай этип, сют да къошуп, аз ичмегенме кесим да.

Къош къаймакъ

Атала сабийлерине, жашла уа эгечлерине бла сюйгенлерине къош къаймакъла келтирип болгъандыла. Кюн сайын къошчула суууй тургъан сютню башын алып, чыбыкъчыкълагъа чулгъап ала эдиле да, кюнде къатдырып, сууукъда тута эдиле. Къош къаймакъ бек татлы, татымлы да буруннгу ашларыбыздан бириди. Аны да унутуп къоймайкъ.

выпр

Маданият

Бизни ашларыбызгъа жетген болмаз

Таулуланы буруннгу ашларыны юсюнден сагъышларын Улбашланы Саният алгъын жыллада жаза-жаза тургъан эди. Аладан бир къауумун сайлап, бюгюннгю номерибизде басмалайбыз.

Таулуланы жууурту

Йогурт таулула эрттеден билген жууурт айранды. Энчи амалла бла этилген йогуртдан эсе, бизни жууурт кёп да игиди. Айран ичген таулу сабийчиклени уууртчукълары къызылчыкъла не ючюн болгъан сунасыз – айран ичгенден. Жууурт саулукъгъа бек игиди.

Къол баса

Колбаса къайсы миллетни хантыды, билемисиз? Ол ашарыкъ биринчи тюрк халкъладан чыкъгъанды, оруслулагъа уа татарлыладан ётгенди. Биз а, таулула, къол басагьа къыйма дейбиз.

Бир ненча жыл мындан алгъа Хушто-Сыртха къонакъгъа баргъан эдим. Эт бишгинчи, къонакъла ачдыла деп, бишип тылпыуу бара тургъан картофну юсюнде жылытып, бизге къыймала салгъан эдиле. Бир да татыулу затла эдиле ала.

Этни ууакъ туурап, ич жау, туз, чибижи, къалиярны заманында аны да къошуп, аны чеги ичине тыкъ сугъуп, къыйырчыкъларын а чилле халы бла къысып, от башына такъгъандыла. Къыйма алай этилгенди.

Тау шай

Бизни ата-бабаларыбыз къуру айран бла боза ичип турмагъандыла. Мен Хушто-Сыртда къартладан: «Биз шёндю ичген улёкъу (итбурун), дугъума шайладан сора да, бир жыйырмадан артыкъ тюрлю-тюрлю ханс шайла иче эдик. Тейри, Индияны шайларындан эсе да татыулу эдиле бизни шайларыбыз», - деп эшитгенме.

Хабазда илипин жанларында ёсген, кёкбаш гюллю кырдыкладан шай этип, сют да къошуп, аз ичмегенме кесим да.

Къош къаймакъ

Атала сабийлерине, жашла уа эгечлерине бла сюйгенлерине къош къаймакъла келтирип болгъандыла. Кюн сайын къошчула суууй тургъан сютню башын алып, чыбыкъчыкълагъа чулгъап ала эдиле да, кюнде къатдырып, сууукъда тута эдиле. Къош къаймакъ бек татлы, татымлы да буруннгу ашларыбыздан бириди. Аны да унутуп къоймайкъ.