«Къабарты-Малкъар сайлауун этгенди!»Къабарты-Малкъарда Россей Федерацияны Президентин айырыула къуралыулу ётгендиле. Ыйых кюн 20:00 сагъатда регионну битеу айырыу участкалары жабылып, участка комиссияла тергеулерин башлагъан эдиле. КъМР-ни Айырыу комиссиясы билдиргенича, 18 сагъат 11 минутда республикада къол кётюрюрге келгенлени саны 92,57 процентни тутхан эди. Айырыуладан сора КъМР-ни Башчысы Казбек Коков республиканы жамауатына ыразылыкъ сёзюн айтханды: «Бу ишни инсанлыкъ борчларына санап, аны толтурур ючюн айырыу участкалагъа келгенлени барысына да жюрек ыразылыгъымы билдиреме. Къабарты-Малкъарны халкъы инсанлыкъ эмда патриот ниетин, жууаплылыгъын эмда политика эслилигин, къырал ючюн къайгъыргъанын эмда билимлилигин да кёргюзтгенди. Дагъыда бу магъаналы ишни Къабарты-Малкъар Республикада къуралыулу бардырыугъа юлюшлерин къошханланы барысына да ыпспас этерге сюеме. Айырыула баргъан юч кюнню ичинде ырахатлыкъ сакъланнган эди. Аламат республикабызны кёп миллетли халкъындан бири болгъаным бла ёхтемленеме. Къабарты-Малкъар сайлауун этгенди!».
Поделиться:
Читать также:
08.05.2024 - 14:00 →
Къырал Башчы салгъан борчла толтуруллукъдула
07.05.2024 - 16:51 →
Къыйын болумладан сакъланыуну мадарларын сюзгендиле
02.05.2024 - 09:15 →
Спортну байрамы андан ары бардырыллыкъды
29.04.2024 - 15:08 →
Информационное сообщение
26.04.2024 - 17:52 →
Нальчикде жууукъ заманда биринчи ИТ-парк къураллыкъды
|