Энди финалгъа къатышырыкъды

Кёп болмай  Къабарты-Малкъарда профессионал билим берген учреженияланы арасында  бардырылгъан  "Жылны устасы-2023" деген битеуроссей конкурсну регион кесегини  эсеплери чыгъарылгъандыла.   

Алай бла КъМР-ни Жарыкъландырыу эмда илму министерствосуну буйругъу бла даражалы эришиуледе   биринчи жерге «Призвание» медицина колледжни    преподаватели  Панжокова Ляна тийишли болгъанды.

Энди Ляна Артуровна республиканы атындан быйыл сентябрьде   Тула шахарда боллукъ  «Мастер года» битеуроссей конкурсну финалына къатышырыкъды. 

Андан сора да, Къабарты-Малкъар сатыу-алыу-технология бла  Къабарты-Малкъар автомобиль-жол колледжлени  преподавательлери  Жанакуланы Альбина эм  Эльдар Балов экинчи бла ючюнчю жерлеге чыкъгъандыла.