Спорт

Республикабызны спортчулары, округ, къырал, халкъла аралы эришиулеге къатыша, атларын айтдырадыла, хорламлары бла республикабызгъа да махтау келтиредиле. Муратларына жетиуде кертичиликлери, аланы толтурур ючюн къыйын сала билгенлери бла таматаланы къууандырадыла, ёсе келген тёлюлеге ахшы юлгю кёргюзтедиле. Бу материалда аланы талайын эсгертирге сюебиз.

Нальчикде каратени зендокай тюрлюсюнден СКФО-ну биринчилиги бардырылгъанды. Анда аскер искусстволаны «Барс-Тырныауз» академиясындан Жолабланы Сафия жетишимли болгъанды.

Нальчикде «Formula07» спорт-жарау этиу картодромда Орус география обществону (РГО) «Альтаир» жаш тёлю клубуну келечилерини араларында эришиу къуралгъанды.

Орёл шахарда Россейни эркин тутушуудан биринчилиги болгъанды, анга къыралны 48 регионундан, ол санда Донецк Халкъ Республикадан, Запорожье областьдан бла Кърымдан 18 жыллары толмагъан  умутландыргъан гёжефле къатышхандыла. 

Кёп болмай Москвада РФ-ни Студент лигасыны аскер къол тюйюшден Кубогу ючюн эришиу ётгенди. Анга къатышып, жетишимли болгъанладан бири бабугентчи Каркаланы Омарды.

Аз тебиу, дайым да олтуруп ишлеу, айхай да, саулукъгъа иги тюйюлдю. Аны бла бирге компьютер, техника айныгъанлары бла адамгъа иш алай кёп къалмайды. Аны осал жанларындан бири уа жаш адамла, сабийле, бирде уа абаданла да телефонла, смартфонла бла кюреше, асыры кёп заман оздургъанларындады.

Эки кюнню ичинде «Олимпийская деревня – 80» спорт арада эркин тутушуудан Москваны биринчилиги бардырылгъанды, анга 21 жыллары толмагъан гёжефле къатышхандыла. 

«Нальчик» спорт арада мас-рестлингден Къабарты-Малкъарны онунчу чемпионаты бардырылгъанды, ол спортну бу тюрлюсюн айнытыу «Легион» проектни чегинде ётдюрюлгенди. Эришиуге республиканы битеу районларындан бла шахарларындан жюзге жууукъ гёжеф къатышханды.

Москваны «Чкалов-Арена» спорт арасында эстетика гимнастикадан «Примавера» тёрели эришиу бардырылгъанды. Анда алты жыл сан къауумда саугъала ючюн къыралны аслам регионундан жюз спортчу сынашханды.

Саулукъну сакълауда физкультура энчи жерни алады, акъыртын жарау этиу окъуна узакъ ёмюрлюлюкге жол ачады. Россейлиле да арт жыллада анга аслам эс бура башлагъандыла. «Вебер» арадан билдиргенлерине кёре, адамланы араларында ала физкультура бла къаллай бир кюрешгенлерини юсюнден соруу бардырылгъанды.