|
Спорт
15 января, 2024 - 13:51
«Олимпийская деревня-80» спорт арада грек-рим тутушуудан эки кюнню ичинде Москваны биринчилиги бардырылгъанды, анга 21 жыллары толмагъан гёжефле къатышхандыла. Мында хорлагъанлагъа къыралны биринчилигинде эриширге эркинлик берилгени себепли, спортчула майдалла ючюн къарыуларын, усталыкъларын да аямагъандыла.
15 января, 2024 - 08:30
Былтыр «Спорт – жашауну низамыды» федерал проектни чегинде «Спорт элде» битеукъырал эришиу бардырылгъанды. Аны «Элдеги жаш тёлюню россейли союзу» биригиу къыралны Спорт министерствосуну себеплиги бла ётдюргенди.
12 января, 2024 - 13:57
Россейни сыйлы тренери, Къабарты-Малкъарны физкультурасыны эм спортуну сыйлы къуллукъчусу Маккаланы Махти, кёп айтхылыкъ гёжефлени юйретип, саулай къыралда да ауур атлетиканы айныууна уллу къыйын салгъанды. Бюгюнлюкде уа Азербайджанны ауур атлетикадан федерацияны директорларыны советини оноуу бла ол тыш къыралгъа эр киши жыйымдыкъ команданы хазырларгъа чакъырылгъанды.
10 января, 2024 - 14:18
Элжорукъаланы Олеся спортну сюйген абадан адамланы эслеринде биринчи штангачы къызча къалгъанды. Кеси заманында ол жангыз бизни республикада угъай, битеу Шимал Кавказда да спортну бу тюрлюсюнде уллу жетишимле бла къууандыргъан биринчи тиширыу болгъанды. Аны тренер ишин энди башлагъан Маккаланы Махти эслегенди, къызны къарыуу, фахмусу болгъанын ангылап, аны юйретип тебирегенди.
9 января, 2024 - 19:48
Къыралыбыз айтхылыкъ спорт тёрелери бла белгилиди, фахмулу тренерлеге, умутландыргъан спортчулагъа байды. Совет Союзну кезиуюнден башлап кёп онжыллыкъланы гёжефлерибиз бла атлетлерибиз даражалы халкъла аралы эришиуледе, дунияны, Европаны чемпионатларында, Олимпиадалада атларын айтдыргъанлай келедиле. Алай арт жыллада жалгъан чурумла бла алагъа даулашлы чекле салынадыла, ол угъай, тёртжыллыкъны эм магъаналы эришиую – Олимпиадада Россейни байрагъын кётюртюрге, гимнин эшитдирирге эркин этилмейди.
1 января, 2024 - 09:35
Республикабызны спортчулары, округ, къырал, халкъла аралы эришиулеге къатыша, атларын айтдырадыла, хорламлары бла республикабызгъа да махтау келтиредиле.
28 декабря, 2023 - 10:35
Чегемде эркин тутушуудан Къабарты-Малкъарны биринчилиги ётгенди. Анга 16 жыллары толмагъан жаш гёжефле къатышхандыла.
28 декабря, 2023 - 10:15
Симферопольда ауур атлетикадан Кърымны кубогу ючюн эришиуле ётгендиле. Анда ауурлукълары 81 килограммгъа дери болгъан къауумда Элбрус районну олимпиада резервли спорт школундан Дадуланы Ислам жетишимли болгъанды. Ол, эки жолда да 251 килограммны (сермеп – 111, тюртюп да – 140) кётюрюп, «алтын» алгъанды.
22 декабря, 2023 - 10:30
Кисловодскда каратени WKF тюрлюсюнден «Спорт клуб 5642» шахар жамауат организацияны башламчылыгъы бла ачыкъ эришиу бардырылгъанды. Анда аскер искусстволаны «Барс-Тырныауз» академиясыны келечилери, 18 майдал къытып, битеукоманда эсепде биринчи жерге чыкъгъандыла.
21 декабря, 2023 - 13:29
Каратени WKC тюрлюсюнден Россейни кезиулю онтёртюнчю кубогу бардырылгъанды, анга къыралны 16 регионундан эм кючлю 700-ге жууукъ спортчу къатышхандыла.
Страницы
|