Спорт

Красноярскда эркин тутушуудан эр кишилени бла  тиширыуланы араларында «Иван Ярыгинни кубогу» деген 35-чи халкъла аралы эришиу къуралгъанды.

Ессентукде баскетболдан «Локобаскет – школ лига» эришиуню ахыр оюнлары ётдюрюлгендиле. Юч кюнню ичинде биринчилик ючюн къызланы сегиз, жашланы да жети къаууму кюрешгендиле.

«Донну кубогу» деген аты бла тхэквондону олимпиада тюрлюсюнден битеуроссей эришиу бардырылгъанды. Аны ахыр кюнюнде Къабарты-Малкъарны спортчулары кеслерини жыл сан эм ауурлукъ къауумларында тогъуз майдал къытхандыла. «Алтынла» бла Эстелла Пшихачева бла Дамир Гусейнов саугъаланнгандыла.

Ставропольда женгил атлетикадан СКФО-ну биринчилиги бардырылгъанды, анга 500-ден аслам спортчу къатышханды.

«Нальчик» спорт арада эстетика гимнастикадан «Минги тауну кубогу» деген эришиу къуралгъанды, анга Нальчикден, Нарткъаладан бла Басхандан, Шимал Осетия-Аланиядан, Ставрополь эм Краснодар крайладан, Ростов областьдан къауумла къатышхандыла.

«Нальчик» спорт арада къатыш аскер единоборстволадан Къабарты-Малкъарны биринчилиги бла чемпионаты ётдюрюлгендиле. Эришиулеге республиканы районларындан бла шахарларындан 140-дан аслам спортчу къатышханды. Кеслерини ауурлукъ эм жыл сан къауумларында майдалланы Отарланы Алихан,

Нальчикде боксдан республиканы 2008-2009 жыллада туугъан спортчуланы араларында биринчилиги бардырылгъанды. Анга битеу да 98 адам къатышханды.

Бу кюнледе Нижний Новгородда Россейни шёндюгюлю пятиборьяны двоеборье эм троеборье бёлюмлеринден биринчилиги бардырылады, анда къыралны жер-жерлеринден 400-ден аслам жаш спортчу эришедиле.

Ставропольда тхэквондону ИТФ тюрлюсюнден «Кубок къар къаплан» деген аты бла регионла аралы эришиу къуралгъанды, анга башха-башха регионладан 250-ден аслам спортчу къатышханды.  

Къабарты-Малкъарны Спорт министерствосундан билдиргенлерича, бюгюнлюкде республикада олимпиада резервли 14 спорт школ ишлейди. Алада 371 тренерни башчылыгъында 11 минг адам спортну 22 тюрлюсюне юйренеди.  Аланы баш борчлары спортну олимпиада тюрлюлеринден чемпионатлагъа бла эришиулеге къатышалырча фахмулу, уллу жетишимле болдураллыкъ атлетлени бла гёжефлени, регионну, къыралны да жыйымдыкъ командаларына кирлик спортчуланы хазырлауду.